Ekologiya və Təbii Sərvətlər Nazirliyi Milli Hidrometeorologiya Departamentindən aldığımız məlumata görə, bu ilin son, qış fəslinin ilk ayı olan dekabrda havanın orta aylıq temperaturunun iqlim normasına yaxın olacağı, bəzi günlərdə isə orta sutkalıq temperaturun normadan 1-2 dərəcə yüksələcəyi gözlənilir.
Yağıntıların respublika ərazisində qeyri-bərabər paylanması gözlənilir.
Aylıq yağıntının miqdarının iqlim normasına yaxın , bəzi rayonlarda isə normadan bir qədər çox olacağı gözlənilir.
Sinoptiklərin verdikləri proqnoza əsasən, dekabr ayında Bakıda və Abşeron yarımadasında havanın orta aylıq temperaturunun 7-9 dərəcə isti olacağı gözlənilir ki, bu da iqlim normasına yaxın və 1-2 dərəcə yüksəkdir. Gecələr 4-8 dərəcə isti təşkil edəcək. Gündüzlər 10-13, bəzi günlərdə isə 4-8 dərəcə isti olacağı gözlənilir. Aylıq yağıntının miqdarının iqlim normasına yaxın ( norma 24-34 mm ) olacağı gözlənilir.

Qəzənfər QASIMOV, "Xalq qəzeti"