BakuTel-2010 XVI Azərbaycan Beynəlxalq Telekommunikasiya və İnformasiya Texnologiyaları Sərgi və Konfransı müvəffəqiyyətlə başa çatdı.
Bu barədə Azərbaycan rabitə və informasiya texnologiyaları naziri Əli Abbasov jurnalistlərə müsahibəsində bildirib. Nazir bildirib ki, BakuTel 2010 dünya birliyinin diqqətini cəlb etməyə müvəffəq olub, tədbirin sponsorları qismində dünyanın tanınmış İT şirkətləri çıxış edirdi. Sərginin açılışı münasibətilə Beynəlxalq Telekommunikasiya İttifaqı, Avropa İttifaqı və şəxsən BMT-nin baş katibi Pan Qİ Mun xoş fikirlərini bildirmişlər.
Azərbaycan Prezidenti İlham Əliyevin sərgini ziyarət etməsi və ekspozisiyası ilə tanış olmasını xüsusi qeyd etmək istərdim. Əli Abbasov qeyd edib ki, builki BakuTel-2010 daha dolğun məzmunu ilə fərqlənibdi: "Sərgidə İKT sahəsi üzrə çoxlu sayda yeni layihə və texnoloji aspektlər nümayiş etdirilirdi, o cümlədən, yerli İT şirkətlər tərəfindən". Həmçinin Əli Abbasov BakuTel-2010 sərgisinin bir neçə xarici telekanallar tərəfindən işıqlandırılmasını da diqqətə çatdırıb: "Bu cür diqqət Azərbaycanın İKT sahəsində reallaşdırdığı siyasətin yüksək qiymətləndirilməsidir".

M.MÜKƏRRƏMOĞLU, "Xalq qəzeti"