Noyabrın 30-da Azərbaycanın müdafiə naziri, general-polkovnik Səfər Əbiyev Özbəkistanın Baş naziri Şavqat Mirziyayev, parlamentin yuxarı palatası - Senatın sədri İlqizar Sabirov və parlamentin aşağı palatası - Ali Məclisin sədri Dilarom Taşmuxamçedova ilə görüşlər keçirilmiş, Azərbaycan ilə Özbəkistan arasında əməkdaşlığın indiki vəziyyəti, həmçinin hərbi sahədə əlaqələrin inkişafı məsələləri müzakirə olunmuşdur.
Səfər Əbiyev Azərbaycanın Özbəkistandakı səfirliyi yanındakı Heydər Əliyev adına Azərbaycan Mədəniyyət Mərkəzində olmuş, ulu öndərin bu binanın qarşısındakı abidəsi önünə əklil qoymuşdur.
Namiq Abbasov qonağı buradakı Heydər Əliyev Muzeyi, Azərbaycanın Dövlətçilik Tarixi Muzeyi, o cümlədən Azərbaycan və Özbəkistanın Müştərək Tarixi Muzeyi ilə tanış etmiş, mərkəzdə yaradılan şərait haqqında məlumat vermişdir. Bildirilmişdir ki, burada təntənəli mərasimlər, eləcə də sərgi və konsert salonları, kitabxana yaradılmışdır.

Qulu KƏNGƏRLİ AzərTAc-ın xüsusi müxbiri
Daşkənd