Fövqəladə hallar naziri, general-polkovnik Kəmaləddin Heydərov Yaponiyanın Azərbaycanda yeni təyin olunmuş səfiri Şusuke Vatanabe ilə görüşmüşdür.
Fövqəladə Hallar Nazirliyinin mətbuat xidmətindən AzərTAc-a bildirmişlər ki, görüşdə Kəmaləddin Heydərov səfirə nazirlik tərəfindən həyata keçirilən layihələr, nüfuzlu beynəlxalq və regional təşkilatlarla, xarici dövlətlərin müvafiq qurumları ilə əlaqələrin inkişaf etdirilməsi istiqamətində görülən işlər barədə məlumat vermişdir.
Ölkələrimiz arasında əlaqələrin bütün sahələrdə uğurla inkişaf etdiyini bildirən səfir Ş.Vatanabe hər iki dövlətin müvafiq qurumları arasında əməkdaşlıq əlaqələrinin genişlənməsi üçün birgə səylər göstərilməsinin zəruriliyini vurğulamışdır.
AzərTAc