El bayramlarında, əlamətdar günlərdə əhalinin qayğı uman təbəqələrinə, aztəminatlılara, Qarabağ əlillərinə və şəhid ailələrinə, rayonda məskunlaşmış qaçqın və məcburi köçkünlərə bayram sovqatlarının verilməsi, sosial problemlərinin həllinə kömək göstərilməsi təşəbbüsü Masallı rayonunda artıq gözəl bir ənənə halını almışdır.
Qurban bayramı və 17 noyabr-Milli Dirçəliş Günü münasibətilə də rayonda xeyirxahlıq təşəbbüsü davam etdirilmişdir. Müxtəlif tədbirlər keçirilməklə aztəminatlı ailələr sevindirilmişlər. Belə ki, müxtəlif kateqoriyalardan olan 1500 ailəyə Qurban payları və çeşidli ərzaq məhsullarından ibarət sovqatlar paylanmışdır. Rayon icra hakimiyyətinin başçısı Qəzənfər Ağayevin tapşırığı ilə bayram sovqatları bütün ailələrin ünvanlarına aparılaraq onlara evlərindəcə təqdim olunmuşdur.

Ə.ƏLİYEV, "Xalq qəzeti"nin bölgə müxbiri