Tədbiri giriş sözü ilə Rayon İcra Hakimiyyətinin başçısı Qəzənfər Ağayev açaraq rayon ictimaiyyətini qarşıdan gələn Qurban bayramı münasibətilə təbrik etmiş, fəaliyətlərində uğurlar arzulamışdır.
Natiq çıxışında Azərbaycan Prezidenti İlham Əliyevin rəhbərliyi ilə ölkədə həyata keçirilən qlobal infrastruktur layihələrin regionların inkişafına böyük təkan verdiyini söyləmişdir. Qeyd edilmişdir ki, Masallıda geniş vüsət almış abadlıq və quruculuq işləri də həmin inkişafın tərkib hissəsidir.
Rayon Ağsaqqallar Şurasının sədri Cavanşir Əsədov, Qafqaz Müsəlmanları İdarəsinin Cənub Bölgəsi üzrə qazisi Mirqiyas Təhməzov, əməkdar müəllim Əfsər Məmmədov, din xadimi Mirkərim Əliyev, dövlət qulluğu veteranı Ələşrəf Niftiyev və başqaları çıxışlarında rayonda aparılan yenidənqurma işlərini alqışlayaraq, müxtəlif təkliflərini bildirmişlər.

Ə.ƏLİYEV, "Xalq qəzeti"nin bölgə müxbiri