Pakistan İslam Respublikasında nəşr edilən "The Daily Mail" qəzetinin 11 noyabr tarixli nömrəsində "Azərbaycanda parlament seçkiləri" başlıqlı məqalə dərc olunmuşdur.
Azərbaycanın Pakistandakı səfirliyindən bildirmişlər ki, məqalədə noyabrın 7-də Azərbaycanda parlament seçkilərinin demokratik və şəffaf keçirilməsinə dair faktlar yer almışdır.
Yazıda vurğulanmışdır ki, tanınmış beynəlxalq təşkilatlar - Avropa Şurası Parlament Assambleyası, Avropa İttifaqı Şurası, Türkdilli Ölkələrin Parlament Assambleyası, ATƏT-in Demokratik Təsisatlar və İnsan Hüquqları Bürosu, MDB, GUAM bu seçkiləri müsbət qiymətləndirmişlər. Azərbaycan hökuməti parlament seçkilərinin ədalətli, şəffaf və demokratik prinsiplər əsasında reallaşması üçün bütün zəruri tədbirləri görmüşdür.
Qəzet Azərbaycanda parlament seçkilərinin beynəlxalq standartlara, Avropa dəyərlərinə uyğun keçirildiyini oxucuların diqqətinə çatdırmışdır.
Məqalə ilə www.dailymailnews.com saytında tanış olmaq olar.
AzərTAc{nl}