Azərbaycanda parlament seçkilərinin legitimliyi heç bir şübhə doğurmur, daxili və xarici standartlara tam uyğundur. İTAR-TASS xəbər verir ki, bu sözləri Rusiya XİN-in rəsmi nümayəndəsinin müavini Aleksey Sazonov noyabrın 11-də jurnalistlərlə görüşündə səsləndirmişdir.
O demişdir: "Biz hesab edirik ki, baş tutmuş seçkilər Azərbaycan qanunvericiliyinə və beynəlxalq standartlara tam uyğundur. Onların legitimliyi heç bir şübhə doğurmur".
Bununla belə, diplomat diqqəti belə bir məsələyə cəlb etmişdir ki, bir sıra xarici müşahidəçilərin rəyləri, xüsusən, cəmiyyətin demokratikləşməsi yolunda kifayət qədər tərəqqi əldə olunmadığı barədə qeydləri MDB müşahidəçilər missiyasının baxışları ilə ziddiyyət təşkil edir. Sazonov demişdir: "Hesab edirik ki, bu, Azərbaycanda həmin istiqamətdə görülmüş işləri açıq-aşkar görməmək istəyindən irəli gəlir".