Mərkəzi Seçki Komissiyasından (MSK) bildirmişlər ki, noyabrın 8-də səhər saat 10.00-dan başlayaraq bütün seçki dairələrinin seçki məntəqələri üzrə məlumatları MSK-nın internet saytında yerləşdirilmişdir. Saytda 5314 məntəqədən 5311-nin protokollarındakı məlumatlar vardır. Üç seçki məntəqəsinin nəticələri müvafiq dairələr tərəfindən etibarsız hesab edilmişdir.
Saytda deputatlığa namizədlərin topladığı səslər barədə də ilkin məlumatlar yerləşdirilmişdir.
Artıq dairə seçki komissiyalarının yekun protokolları MSK-ya təqdim edilməyə başlanmışdır. Seçki Məcəlləsinin tələbinə əsasən MSK səsvermə günündən 20 gün keçənədək DSK-ların protokollarını (Məcəlləyə uyğun olaraq əlavə edilən sənədlərlə birlikdə) yoxlayacaq, 48 saat müddətində Konstitusiya Məhkəməsinə təqdim edəcəkdir.
AzərTAc{nl}