Azərbaycanda parlament seçkiləri yüksək səviyyədə təşkil olunmuşdur.
Bu fikri Azərbaycanda keçirilən parlament seçkilərini müşahidə etmək üçün Bakıya gəlmiş Qazaxıstan parlamentinin üzvü Tolkın Buxarvayev bildirmişdir.
Seçki prosesini müsbət qiymətləndirən müşahidəçi Bakıda və Abşeron rayonunun bir neçə seçki məntəqəsində müşahidə apardıqlarını, heç bir qanun pozuntusu ilə qarşılaşmadıqlarını qeyd etmişdir.
Qazaxıstanlı deputat bildirmişdir ki, hazırlıq işləri yüksək səviyyədə təşkil olunmuşdur. Beynəlxalq müşahidəçi seçki komissiyalarının hazırlıq işindən razı qaldıqlarını, seçici siyahılarının dəqiqliyini, məntəqələrin bütün texniki vasitələrlə, vebkameralarla təchizatını yüksək qiymətləndirmişdir.
AzərTAc