Dəfələrlə Azərbaycan haqqında ümummilli lider Heydər Əliyevin və Prezident İlham Əliyevin ölkəmiz üçün gördüyü böyük işlər barədə xüsusi reportajlar hazırlamış Pakistanın nüfuzlu "İttehad" qəzetinin redaktoru Tahir Faruq noyabrın 6-da Azərbaycan Dövlət Teleqraf Agentliyində (AzərTAc) olmuşdur.
Artıq ikinci dəfədir ki, Bakıya səfərə gələn Tahir Faruq agentliyin baş direktoru Aslan Aslanov ilə görüşdə təmsil etdiyi qəzetin AzərTAc-la əlaqələrini daha da genişləndirmək niyyətində olduğunu demişdir.
Azərbaycan kimi sürətlə inkişaf edən bir müsəlman ölkəsinin əldə etdiyi uğurların xarici mətbuatda mütəmadi işıqlandırılmasının vacibliyini qeyd edən Tahir Faruq bildirmişdir ki, "İttehad" qəzeti bu işdə AzərTAc-ın xəbərlərindən daha geniş istifadə etmək istəyir.
Görüşdə AzərTAc-la "İttehad" qəzeti arasında əməkdaşlığın daha da möhkəmləndirilməsi barədə razılıq əldə olunmuşdur.
Xatırladaq ki, Tahir Faruq Azərbaycanın görkəmli şəxsiyyətlərinə həsr olunmuş kitabı urdu dilinə tərcümə etmişdir.{nl}