Noyabrın 8-11-də Londonda keçiriləcək Dünya Səyahət Sərgisinə (World Travel Market) ermənilərin işğal etdikləri Dağlıq Qarabağın müstəqil bir ölkə kimi qatılmasına çalışması Böyük Britaniyada yaşayan soydaşlarımızın etirazına səbəb olmuşdur.
Soydaşlarımız sərginin təşkilatçılarına yüzlərlə məktub göndərərək Dağlıq Qarabağın Ermənistan tərəfindən işğal edildiyini bildirmişlər. Dağlıq Qarabağın separatçı rejim tərəfindən nəzarətdə saxlanıldığını vurğulayan həmvətənlərimiz, münaqişə dövründə minlərlə azərbaycanlının qətlə yetirildiyini, 1 milyondan çox soydaşımızın öz doğma torpaqlarından didərgin düşdüyünü, işğal edilmiş torpaqlarda etnik təmizləmə siyasəti aparıldığını, tarixi-mədəni abidələrin dağıdıldığını bildirmişlər.
AzərTAc{nl}