Vergilər Nazirliyinin Bakı Şəhəri Vergilər Departamentində paytaxt məktəbliləri və müəllimləri arasında vergilər mövzusuna həsr olunmuş şeir müsabiqəsinin qaliblərinin mükafatlandırılması mərasimi keçirilmişdir.
Xatırladaq ki, müsabiqə 2010-cu ilin iyun ayının 1-dən oktyabr ayının 27-dək davam etmişdir. Müsabiqəyə 40 şeir təqdim olunmuşdur, onlardan da 33-nü şagirdlər, 7-sini isə müəllimlər yazmışlar.
Mükafatlandırma mərasimində Vergilər Nazirliyinin orta məktəblərdə vergilərin tədrisinə böyük əhəmiyyət verildiyi diqqətə çatdırılmış, bu sahədə görülmüş işlərdən, o cümlədən "Vergilər" tədris metodiki-kabinetlərinin fəaliyyətindən, vergilər mövzusunda hazırlanan dərsliklərdən danışılmışdır. Eyni zamanda, məktəblilər arasında müxtəlif tədbirlərin keçirilməsinin mühüm əhəmiyyəti olduğu qeyd edilmiş, şeir müsabiqəsinin şagirdlərin vergi sahəsinə marağının daha da artmasına təsir göstərəcəyi vurğulanmışdır. Həmçinin bildirilmişdir ki, belə tədbirlər bundan sonra da keçiriləcəkdir.
Müsabiqənin qalibləri diplomlar və qiymətli hədiyyələrlə mükafatlandırılmışlar. Digər iştirakçılara da xatirə hədiyyələri və sertifikatlar təqdim olunmuşdur.{nl}