Azərbaycanın Avropa Şurasındakı (AŞ) daimi nümayəndəsi, səfir Arif Məmmədov bu təşkilatın Baş katibi Turbern Yaqlandın təqdimatı ilə mədəniyyətlərarası anlaşma, insan hüquqları və demokratik vətəndaşlıq (Verqeland Mərkəzi) sahəsində Avropa Təhsil Resurs Mərkəzinin İdarə Heyəti Şurasının üzvü təyin edilmişdir.
AŞ ilə Verqeland Mərkəzi arasında imzalanmış müqaviləyə əsasən İdarə Heyəti Şurasının yeddi üzvündən üçü Şuranın Baş katibi tərəfindən təqdim olunmalıdır.
A.Məmmədov hazırda Avropa Şurası Nazirlər Komitəsinin təhsil, idman, gənclik və ətraf mühit üzrə məruzəçilər qrupunun sədridir.
Verqeland Mərkəzi Avropa Şurası ilə Norveç arasında imzalanmış saziş əsasında yaradılmışdır. Mərkəz tədqiqatlar aparır və onları dəstəkləyir, mədəniyyətlərarası anlaşma, insan hüquqları və demokratik vətəndaşlıq sahəsində dəyərləri təbliğ edir.{nl}