Azərbaycan Respublikasının, Ermənistan Respublikasının və Rusiya Federasiyasının prezidentlərinin Dağlıq Qarabağ münaqişəsinin tənzimlənməsinə dair 2010-cu il 27 oktyabr tarixli birgə bəyanatına uyğun olaraq 2010-cu il noyabrın 4-də Qazax rayonu ərazisində, qoşunların təmas xəttində 2010-cu il sentyabrın 11-də Azərbaycan hərbçiləri tərəfindən saxlanılmış, 2010-cu il oktyabrın 5-də saxlandığı kamerada özünü asaraq intihar etmiş Ermənistan Respublikası vətəndaşı Sarıbekyan Manvel Mamikonoviçin meyiti qarşı tərəfə təhvil verilmişdir.
Eyni zamanda, Ermənistan tərəfi 2009-cu i
l dekabrın 28-də Azərbaycan Respublikasının Tovuz rayonunun Əlibəyli kəndi ərazisində girov götürülmüş Azərbaycan vətəndaşı Tağıyev Eldar Heydər oğlunu Azərbaycan tərəfə qaytarmışdır.
İnsidentsiz başa çatan proses Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Müdafiə Nazirliyi əməkdaşlarının iştirakı, Beynəlxalq Qızıl Xaç Komitəsinin vasitəçiliyi ilə həyata keçirilmişdir.
AzərTAc{nl}