Azərbaycan Respublikası Mərkəzi Seçki Komissiyasından (MSK) bildirmişlər ki, parlament seçkilərini izləmək üçün noyabrın 2-dək MSK-da 1016 beynəlxalq müşahidəçi və xarici ölkələrdən 18 kütləvi informasiya vasitəsinin 41 nümayəndəsi qeydiyyatdan keçmişdir.
Bundan başqa, MSK-da 3466, dairə seçki komissiyalarında isə 42494 yerli müşahidəçi qeydə alınmışdır.
Onlardan 5322-si QHT-lərin, 8097-si siyasi partiyaların və siyasi partiya bloklarının nümayəndələri, qalanları isə öz təşəbbüsü ilə müşahidə aparmaq istəyənlərdir.
Beynəlxalq müşahidəçilərin sırasında ATƏT-in Demokratik Təsisatlar və İnsan Hüquqları Bürosunun Seçki Müşahidə Missiyasının, MDB Müşahidə Missiyasının, Avropa Şurası Parlament Assambleyasının, Türkdilli ölkələrin Parlament Assambleyasının və digər nüfuzlu təşkilatların müşahidə missiyalarının təmsilçiləri vardır.
AzərTAc{nl}