Oktyabrın 28-də Məzahir Pənahovun sədrliyi ilə Mərkəzi Seçki Komissiyasının (MSK) növbəti iclası keçirilmişdir.
MSK-nın mətbuat xidmətindən bildirmişlər ki, iclasda Milli Məclisə keçirilən seçkilərlə bağlı Mərkəzi Seçki Komissiyasına daxil olmuş müraciətlərə baxılmışdır. Müraciətlərdən beşi araşdırılması üçün aidiyyəti üzrə müvafiq dairə seçki komissiyalarına göndərilmiş, ikisi qanunla nəzərdə tutulmuş şikayətvermə müddəti ötdüyündən ərizəçilərin özlərinə qaytarılmış, birinin isə araşdırma predmeti olmadığı üçün baxılmasına xitam verilmişdir.
Komissiyanın iclasında cari məsələlərə də baxılmışdır.
İclasda ATƏT-in Demokratik Təsisatlar və İnsan Hüquqları Bürosunun Seçki Müşahidə Missiyasının, MDB Müşahidə Missiyasının təmsilçiləri və kütləvi informasiya vasitələrinin nümayəndələri iştirak etmişlər.
AzərTAc{nl}

{nl}

{nl}