Hazırda Azərbaycanda seçkiqabağı proseslər özünün ən qaynar mərhələsinə daxil olmuşdur və təbliğat-təşviqat kampaniyası gedir. Ölkədə seçkiqabağı mühit tam sabitdir.
Bu sözləri Azərbaycan Respublikası Prezidenti Administrasiyasının ictimai-siyasi məsələlər şöbəsinin müdiri Əli Həsənov demişdir. O bildirmişdir ki, namizədlər televiziyada onlar üçün ayrılmış pulsuz efir vaxtından istifadə edir, yerlərdə görüşlər keçirir, kütləvi informasiya vasitələrində təbliğatlarını aparırlar. Bütövlükdə respublika üzrə narahatlıq doğuran qanun pozuntusu qeydə alınmamışdır. Bəzi dairələrdə hansısa xırda narazılığın olması mümkündür. Lakin bu da dərhal seçki institutları tərəfindən aradan qaldırılır.
Bütövlükdə ölkə üzrə seçkilərə hazırlıq yüksək səviyyədə və tam sabit şəraitdə keçir.
AzərTAc{nl}