Xəbər verdiyimiz kimi, Azərbaycanın müdafiə naziri, general-polkovnik Səfər Əbiyev Çin Xalq Respublikasında səfərdədir.
AzərTAc Çinin Sinxua agentliyinin yaydığı məlumata istinadən bildirir ki, oktyabrın 26-da S.Əbiyev Çin Xalq Azadlıq Ordusunun Baş Qərargah rəisi Çen Binde ilə görüşmüş və ölkələrimiz arasında hərbi sahədə əməkdaşlığın genişləndirilməsi barədə razılıq əldə etmişlər.
Ölkələrimiz arasında hərbi sahədə əməkdaşlığı yüksək qiymətləndirən Çen Binde demişdir: "Çin Azərbaycan Silahlı Qüvvələri ilə əməkdaşlığın və mübadilənin inkişafına müsbət münasibət bəsləyir".
Səfər Əbiyev Azərbaycanın Çinin Müdafiə Nazirliyi ilə əlaqələrinin daha da inkişaf etdirilməsinə böyük əhəmiyyət verdiyini vurğulayaraq, Çin tərəfindən ordu quruculuğuna göstərilən dəstəyə görə minnətdarlığını bildirmişdir.{nl}

AzərTAc