Azərbaycan Respublikası Konstitusiya Məhkəməsi Palatasının növbəti iclasları keçirilmişdir.
Konstitusiya Məhkəməsinin mətbuat xidmətindən bildirmişlər ki, iclasda Azərbaycan Respublikası Konstitusiyasının 130-cu maddəsinin IV hissəsinə və "Konstitusiya Məhkəməsi haqqında" Azərbaycan Respublikası Qanununun 7.1-ci maddəsinə əsasən, Azərbaycan Respublikasının Baş nazirinin sorğusuna baxılaraq icraata qəbul edilməsi haqqında qərardad çıxarılmışdır.
Sorğuya mahiyyəti üzrə Konstitusiya Məhkəməsi Plenumunun noyabrın 24-nə təyin edilmiş iclasında baxılacaqdır. Konstitusiya Məhkəməsi Palatasının digər iclasında isə Azərbaycan Respublikası Konstitusiyasının 130-cu maddəsinin VI hissəsinə və "Konstitusiya Məhkəməsi haqqında"Azərbaycan Respublikası Qanununun 7.1-ci maddəsinə əsasən, Bakı Şəhər Nərimanov Rayon Məhkəməsinin müraciətinə baxılaraq icraata qəbul edilməsi haqqında qərardad çıxarılmışdır.
Müraciətə mahiyyəti üzrə Konstitusiya Məhkəməsi Plenumunun noyabrın 23-nə təyin edilmiş iclasında baxılacaqdır.
AzərTAc{nl}