Beynəlxalq münasibətlər üzrə alimlərin birinci illik simpoziumu olduqca uğurlu keçdi. Bu simpoziumun təşkil edilməsi çox vacib idi. Buna görə də biz alimlər Azərbaycanın belə bir təşəbbüslə çıxış etməsini yüksək qiymətləndiririk.
Bu sözləri simpoziumda iştirak edən Türkiyənin nüfuzlu Uludağ Universitetinin professoru Təyyar Ari demişdir.
T.Ari yüksək səviyyədə təşkil edilmiş simpoziumun həm də çoxsaylı əcnəbi alimlərin və ekspertlərin Cənubi Qafqazda cərəyan edən proseslər, eləcə də bu regionun lider dövləti olan Azərbaycanın mövcud reallıqları ilə daha yaxından tanış olmaları baxımından əhəmiyyətini vurğulamışdır.
Bu baxımdan qonaq tədbirdə müzakirə olunan mövzuların zəruriliyinə diqqəti cəlb etmişdir. T.Ari demişdir: "Mən əminəm ki, bu simpoziumda iştirak edən alim və mütəxəssislər Azərbaycanda gördükləri yüksək səviyyəli qonaqpərvərlikdən, əldə etdikləri təfərrüatlı məlumatlardan sonra bu ölkənin reallıqları, xüsusilə də Ermənistan-Azərbaycan, Dağlıq Qarabağ münaqişəsi ilə daha yaxından maraqlanacaqlar. Tam əminliklə deyə bilərəm ki, Azərbaycanın gözəlliyi və buradakı qardaş və bacılarımızdan gördüyümüz hörmət bu tədbirin iştirakçılarında unudulmaz təəssüratlar yaratdı".{nl}