Oktyabrın 25-də Azərbaycan Respublikası Milli Məclisinə noyabrın 7-nə təyin edilmiş seçkilərlə bağlı seçki bülletenlərinin dairə seçki komissiyalarına paylanmasına başlanılmışdır.
Seçki bülletenlərində namizədlərin soyadları əlifba sırası ilə yerləşdirilmişdir.
Milli Məclisin mətbəəsində çap edilən bülletenlərin mətni, forması, sayı və hazırlanması qaydasına dair qərar Mərkəzi Seçki Komissiyasının (MSK) oktyabrın 1-də keçirilmiş iclasında qəbul edilmişdir. Seçicilərin ümumi sayından 3 faiz artıq olmamaqla, cəmi 5 milyon 96 min 574 ədəd bülleten çap olunmalıdır.
Azərbaycan Respublikasının Seçki Məcəlləsinin tələbinə əsasən dairə seçki komissiyaları səsvermə gününə azı 3 gün qalmış seçki bülletenlərini məntəqə seçki komissiyalarına verməlidirlər.{nl}

AzərTAc