Oktyabrın 25-də Azərbaycanın müdafiə naziri, general-polkovnik Səfər Əbiyev Çin Xalq Respublikasının müdafiə naziri, general-polkovnik Lyan Quanlenin dəvəti ilə bu ölkəyə rəsmi səfərə yola düşmüşdür.
Müdafiə Nazirliyinin mətbuat xidmətindən bildirmişlər ki, üçgünlük səfər çərçivəsində S.Əbiyevin Çinin müdafiə naziri, baş qərargah rəisi, dövlət və hökumət qurumlarındakı rəsmi şəxslərlə görüşləri planlaşdırılır.
Görüşlər zamanı Cənubi Qafqazda və Şərqi Asiyada regional təhlükəsizlik məsələləri, iki ölkə arasında hərbi və hərbi-texniki əməkdaşlığın vəziyyətinin və inkişaf perspektivlərinin müzakirə ediləcəyi gözlənilir.
AzərTAc{nl}