Azərbaycana hər səfərimdə şahidi olduğum inkişaf prosesləri məni heyran edir. Bakı çox gözəl şəhərdir, siz belə bir şəhərdə yaşadığınıza görə çox xoşbəxtsiniz.
Bu sözləri Bakıda keçirilən beynəlxalq münasibətlər üzrə alimlərin birinci illik simpoziumunda iştirak edən Fransanın nüfuzlu Sarbonna Universitetinin nümayəndəsi xanım İnessa Baban AzərTAc-a müsahibəsində söyləmişdir.
Xanım Baban bildirmişdir ki, simpozium dünyanın müxtəlif ölkələrindən olan çoxsaylı alim və mütəxəssislərə qarşılıqlı fikir mübadiləsi aparmaq baxımından çox gözəl imkan yaradır. Buna görə də Bakıda belə bir yüksək səviyyəli tədbirin keçirilməsi olduqca əlamətdar hadisədir. Simpoziumun Bakıda keçirilməsinin daha bir əhəmiyyəti ondan ibarətdir ki, dünyanın bir çox ölkələrindən gələn qonaqlar Azərbaycanın reallıqları ilə yerindəcə tanış olur və bu ölkənin gözəlliyini görür.{nl}