Son illər Azərbaycanda sosial-iqtisadi inkişaf baxımından böyük uğurlar əldə edilmişdir, beynəlxalq miqyasda ölkənizin nüfuzu getdikcə artmaqdadır. Bu isə Bakıda əhəmiyyətli beynəlxalq tədbirlərin keçirilməsi üçün əlverişli şərait yaradır.
Bu sözləri Bakıda keçirilən beynəlxalq münasibətlər üzrə alimlərin birinci illik simpoziumunda iştirak edən Böyük Britaniya Parlamenti Lordlar Palatasının üzvü, professor Con Lerd AzərTAc-a müsahibəsində demişdir.
C.Lerd bildirmişdir ki, dünyanın müxtəlif ölkələrindən tanınmış alimlərin və ekspertlərin bir araya gələrək vacib məsələləri müzakirə etməsi çox əhəmiyyətli hadisədir.
Ermənistan-Azərbaycan, Dağlıq Qarabağ münaqişəsi ilə bağlı C.Lerd problemin ən qısa zamanda beynəlxalq hüququn prinsipləri əsasında həllinin vacibliyini vurğulamışdır. Bildirilmişdir ki, münaqişənin həlli istiqamətində beynəlxalq ictimaiyyət daha ciddi addımlar atmalıdır.
AzərTAc{nl}