Ümumdünya İqtisadi Forumunun qlobal rəqabət qabiliyyəti haqqında 2010-2011-ci illər üzrə məruzəsində göstərilir ki, Azərbaycan innovasiya amilinə görə dünyanın 139 ölkəsi arasında 61-ci yeri və MDB-də (Rusiya Federasiyasından sonra) ikinci yeri tutmaqla Qafqazda və Mərkəzi Asiyada öz qonşularını xeyli qabaqlayır.
Ölkəmizin aşkar rəqabət üstünlükləri sırasında innovasiyaları tətbiq etmək qabiliyyəti (dünyada 40-cı və MDB-də üçüncü yer), yüksək texnologiyalı məhsulların dövlət tədarükü (dünyada 36-cı və MDB-də birinci yer), vençur kapitalının əlyetərli olması (dünyada 48-cı və MDB-də birinci yer) kimi amillər xüsusi qeyd edilir.