Azərbaycan Respublikasının Prezidenti yanında Strateji Araşdırmalar Mərkəzi 2010-cu il parlament seçkilərinin mərhələlərinə dair növbəti - üçüncü təhlili təqdim etmişdir.
"Seçki-2010: Daha bir mərhələ arxada qaldı" adlı təhlildə namizədlərin qeydiyyat mərhələsinin başa çatması, dövlətin seçkilərə hazırlığı və həyata keçirdiyi tədbirlər, Mərkəzi Seçki Komissiyasının tam tərkibdə formalaşması, hakim və müxalifət partiyalarının tətbiq etdiyi seçki taktikası, beynəlxalq və yerli müşahidəçilik missiyası və s. məsələlər yer almışdır.
Arayışda, həmçinin müxalifətin seçki dövründə bloklaşma taktikasının yeni xüsusiyyətlərindən bəhs olunur. Bu təhlildə 2010-cu il parlament seçkilərinin artıq arxada qalan ilk üç mərhələsində baş verən proseslər yekunlaşdırılmış, ölkənin seçki təcrübəsində və siyasi qüvvələrin fəaliyyətində müşahidə olunan yeni meyillər öz əksini tapmışdır.
Bu təhlil və ilk iki arayışla http://sam.gov.az/  saytında tanış olmaq mümkündür.{nl}