Azərbaycan və Gürcüstanın İctimai televiziyaları arasında əməkdaşlığın davamı olaraq ayda bir dəfə "Bakı-Tbilisi" telekörpüsü reallaşacaqdır.
Bu barədə razılıq hər iki telekanalın rəhbərliyi arasında keçirilən görüşdə əldə edilmişdir. İctimai Televiziyanın baş direktoru İsmayıl Ömərov və Gürcüctanın İctimai Televiziyasının baş direktoru Qriqoriy Çanturiyanın rəhbərlik etdiyi nümayəndə heyəti arasında aparılan danışıqlarda birgə telelayihələr müzakirə edilmişdir. Bildirilmişdir ki, bu vaxtadək həyata keçirilmiş müştərək layihələr xalqlar arasında əlaqələrin yaxınlaşmasına xidmət etmişdir. Hər ay efirə gedəcək telekörpülərdə isə iki ölkənin gündəlik həyatında müxtəlif sahələrdə baş verən hadisələr işıqlandırılacaqdır.
Gürcüstan nümayəndə heyəti Azərbaycan İctimai Televiziyasının studiyaları və texniki avadanlıqla tanış olmuşdur.
AzərTAc{nl}