Azərbaycan Respublikasının fövqəladə hallar naziri, general-polkovnik Kəmaləddin Heydərov Avstriyanın Azərbaycana yeni təyin olunmuş səfiri, xanım Silviya Mayer-Kaybiç ilə görüşmüşdür.
Fövqəladə Hallar Nazirliyinin (FHN) mətbuat xidmətindən bildirmişlər ki, görüşdə nazir ölkəmizə təzə təyin olunmuş səfirə fəaliyyətində uğurlar arzulayaraq Avstriyanın ölkəmizdə yeni açılmış səfirliyinin ikitərəfli münasibətlərin inkişafına öz töhfəsini verəcəyini qeyd etmişdir.
Daha sonra nazir Kəmaləddin Heydərov FHN və onun qurumları, eyni zamanda, nazirlik tərəfindən həyata keçirilən və planlaşdırılan layihələr, nüfuzlu beynəlxalq və regional təşkilatlarla, xarici dövlətlərin müvafiq qurumları ilə əlaqələrin inkişaf etdirilməsi istiqamətində görülən işlər barədə geniş məlumat vermişdir.
Səfir də öz növbəsində, hər iki dövlətin müvafiq qurumları arasında, həmçinin, beynəlxalq təşkilatlar çərçivəsində əməkdaşlığın dərinləşməsi üçün birgə səylər göstərilməsinin əhəmiyyətini vurğulamışdır.
AzərTAc{nl}