Oktyabrın 19-dan 21-dək Lüksemburq şəhərində TERENA-nın (Trans-Avropa Elmi Tədqiqat və Təhsil Şəbəkəsi Assosiasiyası) Baş Assambleyasının 34-cü toplantısı keçiriləcəkdir.
Azərbaycan Milli Elmlər Akademiyasının (AMEA) İnformasiya Texnologiyaları İnstitutundan (İTİ) AzərTAc-a bildirmişlər ki, tədbirdə ölkəmizi İTİ-nin direktoru, AMEA-nın müxbir üzvü Rasim Əliquliyev təmsil edəcəkdir.
Qeyd edək ki, TERENA-nın Baş Assambleyasının cari ilin iyun ayında keçirilən iclasında Azərbaycan Milli Elmlər Akademiyası sözügedən transmilli qurumun tamhüquqlu üzvü seçilmişdir.
TERENA Avropa ölkələrinin akademik araşdırma mərkəzləri və universitetlərinin şəbəkələrini əhatə etməklə, elm və təhsilin maraqlarına cavab verən yüksək keyfiyyətli beynəlxalq informasiya-telekommunikasiya infrastrukturunu yaratmağa, milli elektron elm və təhsil mühitləri əsasında vahid, qlobal fəzanın formalaşmasına xidmət edən təşkilatdır.{nl}