Müdafiə Nazirliyinin mətbuat xidmətindən bildirmişlər ki, Ermənistan silahlı qüvvələrinin bölmələri oktyabrın 14-də saat 10.00-dan 10.15-dək İcevan rayonunun Berkaber kəndində yerləşən mövqelərdən Qazax rayonunun Qızıl Hacılı kəndində yerləşən mövqelərimizi, saat 14.30-dan 14.35-dək Xocavənd rayonunun ərazisindəki adsız yüksəkliklərdə, saat 14.40-dan 14.45-dək Ağdam rayonunun Mərzili, saat 18.15-dən 18.35-dək Füzuli rayonunun Aşağı Əbdülrəhmanlı, oktyabrın 15-də saat 1.35-dən 1.55-dək Tərtər rayonunun Qızıl Oba kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Düşmən cavab atəşi ilə susdurulmuşdur. İtki yoxdur.