Müdafiə Nazirliyinin mətbuat xidmətindən verilən məlumata görə, Ermənistan silahlı qüvvələrinin bölmələri aprelin 13-də saat 11.25-dən 11.40-dək İcevan rayonunun Berkaber kəndində yerləşən mövqelərdən Qazax rayonunun Qızılhacılı və Məzəmli kəndlərində yerləşən mövqelərimizi, saat 15.30-dan 15.40-dək Berd rayonunun Çinarlı kəndində yerləşən mövqelərdən Tovuz rayonunun Koxanəbi və Ağbulaq kəndlərində yerləşən mövqelərimizi, saat 14.10-dan 14.25-dək Goranboy rayonunun Gülüstan kəndi yaxınlığında, saat 22.35-dən 22.50-dək Füzuli rayonunu ərazisindəki adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar. Bütün hallarda düşmən cavab atəşi ilə susdurulmuşdur.
İtki yoxdur.
AzərTAc