Oktyabrın 13-də xarici işlər naziri Elmar Məmmədyarov Sovet Yəhudiləri Milli Konfransının (NCSJ) sədri Riçard Stounun başçılıq etdiyi nümayəndə heyəti ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, Azərbaycanın böyük templə inkişaf edən ölkə olduğunu söyləyən qonaq burada yüksək tolerantlıq mühitinin dərin tarixi köklərə söykəndiyini xüsusi vurğulamışdır.
Nazir E.Məmmədyarov tolerantlığın xalqımızın əsas sərvətlərindən biri olduğunu demiş, Azərbaycanda tarixən yəhudilərin sülh şəraitində yaşadıqlarını bildirmişdir.
Görüşdə, həmçinin qarşılıqlı maraq doğuran bir sıra məsələlər də müzakirə olunmuşdur.