Azərbaycanda növbəti parlament seçkilərinin demokratik, ədalətli keçirilməsi üçün mükəmməl hüquqi baza vardır.
Bu sözləri Yeni Azərbaycan Partiyası sədrinin müavini-icra katibi, Milli Məclisin deputatı Əli Əhmədov oktyabrın 13-də keçirdiyi mətbuat konfransında demişdir.
Ə.Əhmədov bildirmişdir ki, Azərbaycanın Seçki Məcəlləsi ölkəmizdə demokratik, ədalətli, bərabər yarışa əsaslanan seçkilərin keçirilməsinin hüquqi bazasını təmin edir. Azərbaycan hökuməti də özünün seçdiyi demokratik inkişaf yoluna uyğun olaraq, ölkəmizdə bütün seçki kampaniyalarının, o cümlədən parlament seçkiləri kampaniyasının demokratik normalara və dəyərlərə uyğun keçirilməsi üçün zəruri mühiti formalaşdırmışdır.
Bunun ən vacib göstəricilərindən biri Azərbaycanda mövcud olan çoxsaylı partiyaların parlament seçkilərində iştirak etmək istəyi və bu istəyə uyğun olaraq, seçki kampaniyasına qatılmalarıdır. Azərbaycanda bütün siyasi təşkilatlar seçki kampaniyasına qoşulmuşdur.{nl}