Bakı Avrasiya Universitetində Macarıstan sərgisi düzənlənmişdir. Sərginin açılışında Budapeştin Korvinus Universitetinin professorları Erzebet Vereş, Andras Tetenyi və səfirliyin əməkdaşı Zoltan Baç iştirak etmişlər.
Sərgidə Macarıstanın tarixi, iqtisadiyyatı, mədəniyyəti və başqa sahələri əks etdirən şəkil, kitab və jurnalları nümayiş olunmuşdur. Bakı Avrasiya Universitetinin elm və xarici əlaqələr üzrə prorektoru Firuz Mustafayev çıxış edərək qonaqları salamlamış, onlara təhsil ocağı haqqında qısa məlumat vermişdir.
Universitetin müəllim və tələbə heyəti qonaqlarla maraqlı dialoq və fakir mübadiləsi aparmışdır. Yeri gəlmişkən, qeyd edək ki, Korvinus və Bakı Avrasiya Universiteti arasında təhsil sahəsində əməkdaşlıq müqaviləsi mövcuddur.{nl}