Bu il oktyabrın 7-də Almaniyanın Frankfurt şəhərində hər il təşkil olunan Beynəlxalq Kitab Yarmarkasında tanınmış rumın yazıçısı və dramaturqu, Buxarest Yazıçılar Assosiasiyasının sədri Horia Qırbyanın "Azərbaycan - canlı alov" ("Azerbaijan - The Living Flame") kitabının təqdimat mərasimi keçiriləcəkdir. Heydər Əliyev Fondunun dəstəyi ilə üç dildə (alman, ingilis və rumın) çap olunmuş kitab Rumıniya Mədəniyyət Nazirliyinin stendində nümayiş etdiriləcəkdir.
Kitabda müəllifin Azərbaycana səfəri zamanı əldə etdiyi təəssüratlarla yanaşı, Azərbaycanın tarixi, ədəbiyyatı, coğrafiyası və mədəniyyəti, o cümlədən, Ermənistanın Azərbaycana qarşı təcavüzü və onun nəticələri, eləcə də Xocalı soyqırımı haqqında ətraflı məlumatlar öz əksini tapmışdır.
Kitabın sonunda H.Qırbyanın Şuşa, Xocalı soyqırımı və Quba məzarlığı haqqında şeirləri də verilmişdir.
Eyni zamanda, oktyabrın 15-də kitabın təqdimat mərasimi ilə bağlı Rumıniyanın "TVR Cultural" televiziya kanalında Buxarest Yazıçılar Assosiasiyasının sədri H.Qırbyanın iştirakı ilə veriliş efirə gedəcəkdir.{nl}