Oktyabrın 1-də Fərhad Abdullayevin sədrliyi ilə Azərbaycan Respublikası Konstitusiya Məhkəməsi Plenumunun növbəti iclası keçirilmişdir.
İclasda Bakı Şəhəri Xətai Rayon Məhkəməsinin Azərbaycan Respublikası Konstitusiyasının 130-cu maddəsinin 6-cı hissəsinə əsasən, "Əmək pensiyaları haqqında" 2006-cı il yanvarın 1-dən qüvvədə olan qanunun müddəalarının Azərbaycan Respublikası Konstitusiyasının 38-ci və 71-ci maddələri baxımından şərh olunmasına dair xüsusi konstitusiya icraatında olan müraciətə baxılmışdır.
Konstitusiya Məhkəməsinin Plenumu iş üzrə hakim Rövşən İsmayılovun məruzəsini, maraqlı subyektlərin qanuni nümayəndələrinin çıxışlarını, ekspertin rəyini, iclasa dəvət olunmuş mütəxəssislərin mülahizələrini dinləmişdir.
Azərbaycan Konstitusiya Məhkəməsi iş üzrə materialları araşdırıb 15 gün ərzində qərar qəbul edəcəkdir.
AzərTAc{nl}