Milli Məclisin sentyabrın 30-da keçirilmiş iclasında "Müstəqil Dövlətlər Birliyinin iştirakçısı olan dövlətlərin əməkçi miqrantları və onların ailə üzvlərinin hüquqi statusu haqqında" Konvensiyanın təsdiq edilməsi haqqında" qanun qəbul olunmuşdur.
Parlamentin hüquq siyasəti və dövlət quruculuğu komitəsinin sədri Əli Hüseynov demişdir ki, Azərbaycan 2008-ci il noyabrın 14-də Kişinyov şəhərində imzalanmış bu konvensiyaya qeyd-şərti ilə qoşulur. Həmin qeyd-şərtdə deyilir ki, konvensiyanın 4-cü maddəsinin müddəalarının tətbiq olunması, insan və vətəndaş hüquq və əsas azadlıqlarının müdafiəsi sahəsində beynəlxalq hüququn ümumtanınmış prinsip və normaları ilə nəzərdə tutulmuş insan və vətəndaş hüquq və əsas azadlıqlarının müddəası səviyyəsinin məhdudlaşdırılmasına gətirib çıxarmamalıdır.
Müzakirələr zamanı deputatlar konvensiyanın əhəmiyyətindən danışmış, onun milli maraqlarımıza xidmət etdiyini vurğulamışlar.
AzərTAc{nl}