"Azərbaycan ilə Qətər arasında əlaqələr yüksək səviyyədə inkişaf edir. Mən ətraf mühit naziri olaraq bu əlaqələrin həm ekologiya, həm də kənd təsərrüfatı sahəsində daha da inkişaf etməsinə dəstək verməyə hazıram".
Bu sözləri ölkəmizdə səfərdə olan Qətərin ətraf mühit naziri Abdulla bin Mübarək bin Abud əl-Mədadi jurnalistlərə müsahibəsində demişdir.
İkigünlük səfərinin əsas məqsədinin Bakıda keçirilən "Caspian Agro-2010" III Beynəlxalq kənd təsərrüfatı, ərzaq emalı və qablaşdırma sərgisində iştirak etmək olduğunu deyən qətərli nazir bu müddətdə gələcək planları müzakirə etmək üçün Azərbaycanın Ekologiya və Təbii Sərvətlər Nazirliyində görüş keçirəcəyini demişdir.
Nazir Azərbaycan ilə Qətər arasında münasibətlərin gələcəkdə daha da inkişaf edəcəyinə ümidvar olduğunu bildirmişdir.{nl}