Sentyabrın 28-də Azərbaycanın müdafiə naziri, general-polkovnik Səfər Əbiyev Beynəlxalq Qızıl Xaç Komitəsinin (BQXK) Şərqi Avropa və Mərkəzi Asiya üzrə əməliyyat rəhbəri xanım Paskal Mej Vaqner ilə görüşmüşdür.
Müdafiə Nazirliyinin mətbuat xidmətindən AzərTAc-a bildirmişlər ki, nazir Səfər Əbiyev BQXK ilə əlaqələrin genişləndirilməsinin vacibliyini vurğulayaraq, hazırda bu beynəlxalq qurumun fəaliyyətini daha da gücləndirməsinə və müharibə qurbanlarının vəziyyəti ilə missiyasına uyğun daha yaxından məşğul olmasına böyük ehtiyac yarandığını demişdir.
Görüş zamanı nazir Səfər Əbiyev xanım Paskal Mej Vaqner ilə əsirlərin qaytarılması ilə bağlı məsələləri də müzakirə etmişdir. Səfər Əbiyev Azərbaycan hərbçisinin meyitinin geri alınması məsələsinə xüsusi diqqət çəkmişdir.
AzərTAc{nl}