Vergilər Nazirliyi yanında Vergi Cinayətlərinin İbtidai Araşdırılması Departamentində aparılan araşdırma zamanı toplanmış materiallar əsasında rəsmi sənədlərə bilərəkdən yalan məlumatlar daxil etməklə vəzifə saxtakarlığına yol vermiş, etibardan sui-istifadə, aldatma və talama yolu ilə külli miqdarda özgənin əmlakını ələ keçirərək mənimsəmiş "Borçalı" Kommersiya Bankının keçmiş baş mühasibi Namazov İlham İbrahim oğlu barəsində 7 fevral 2005-ci ildə Azərbaycan Respublikası Cinayət Məcəlləsinin 178.2.2, 178.2.3, 178.3.2, 179.2.1, 179.2.3, 179.3.2 və 313.-cü maddələri ilə cinayət işi başlanmışdır. Araşdırma zamanı İ.İ.Namazovun 2005-ci ildə istintaqdan gizlənmək məqsədilə respublika hüdudlarını tərk etdiyi müəyyənləşdirilmiş və barəsində dövlətlərarası axtarış elan olunmuşdur.
Azərbaycan Respublikası və Rusiya Federasiyasının hüquq-mühafizə orqanlarının birgə keçirdiyi əməliyyat-axtarış tədbirləri nəticəsində İ.Namazov Saratov vilayətində həbs olunaraq Azərbaycana ekstradisiya edilmiş və istintaqa təhvil verilmişdir.
Hazırda cinayət işi üzrə ibtidai araşdırma davam etdirilir.{nl}