Mərkəzi Seçki Komissiyasından bildirmişlər ki, dairə seçki komissiyaları ölkə üzrə 125 seçki dairəsində 1152 nəfərin deputatlığa namizədliyini təsdiq etmişdir. Namizədliyi təsdiq olunmuş şəxslərdən 1092-si imza vərəqəsi almışdır. Onlardan 200-ü imza vərəqlərini və digər zəruri sənədləri DSK-lara təqdim etmişdir.
MSK-dan onu da bildirmişlər ki, artıq 54 nəfərin deputatlığa namizədliyi qeydə alınmışdır.
Dördüncü çağırış Azərbaycan Respublikası Milli Məclisinə 2010-cu il noyabrın 7-nə təyin edilmiş seçkilərdə deputatlığa namizədlərin irəli sürülməsi davam edir.
AzərTAc{nl}