Türkiyə parlamentinin İğdır vilayətindən olan millət vəkili Əli Günər bildirmişdir ki, İğdır şəhərində 500 şagirdin təhsil aldığı liseyə Azərbaycan xalqının ümummilli lideri, türk dünyasının dahi şəxsiyyəti Heydər Əliyevin adı veriləcəkdir.
Millət vəkili demişdir ki, bununla bağlı Baş nazir Rəcəb Tayyib Ərdoğana və təhsil naziri Nimət Çubukçuya göndərdiyi məktub razılıqla qarşılanmışdır. Bir həftə müddətində rəsmi qərarın veriləcəyi gözlənilir.
Əli Günər onu da əlavə etmişdir ki, liseyin Heydər Əliyevin adını daşıması onları qürurlandıracaqdır. İğdır sakinləri bu təşəbbüsü böyük sevinclə qarşılamışlar.

Oqtay BAYRAMOV AzərTAc-ın xüsusi müxbiri
Ankara