Azərbaycan Respublikasının dördüncü çağırış Milli Məclisinə keçiriləcək seçkilərlə bağlı Mərkəzi Seçki Komissiyası (MSK) 13 adda plakat çap etdirmişdir.
Bu barədə Komissiyanın mətbuat xidmətinin rəhbəri Azər Sarıyev məlumat vermişdir.
A.Sarıyev bildirmişdir ki, çap olunmuş plakatlar artıq dairə seçki komissiyalarına göndərilmişdir. Bu plakatlar əsasən maarifləndirici, səsverməyə çağırış, seçici siyahıları ilə bağlı məlumatlandırıcı və s. plakatlardır. Plakatların çapı davam etdirilir.
A.Sarıyev onu da diqqətə çatdırmışdır ki, plakatların, seçici siyahılarının, eləcə də deputatlığa namizədlərin təbliğat materiallarının tarixi mədəniyyət abidələrinin üzərinə, muzey binalarına, eləcə də dövlət və hakimiyyət strukturlarının binalarına yapışdırılması qanunla qadağandır.{nl}