Dördüncü çağırış Milli Məclisə keçiriləcək seçkilərdə Azərbaycan Respublikasının bütün ərazisində müşahidə aparılmasına dair ərizələrin Mərkəzi Seçki Komissiyasına (MSK) təqdim olunması davam edir.
Komissiyadan bildirmişlər ki, sentyabrın 25-dək MSK-ya 460 nəfər müraciət edərək bütün ölkə ərazisi üzrə müşahidə aparmaq arzusunda olduğunu bildirmişdir. Bütün müraciətlərə müsbət cavab verilmişdir.
Mərkəzi Seçki Komissiyasında qeydə alınmış müşahidəçilərdən 29-u xüsusi icazə almış müşahidəçilərdir. Müşahidəçilərin 338-i öz təşəbbüsü, 39-u siyasi partiyalar, 14-ü isə QHT-lərin təşəbbüsü ilə müşahidəçilik missiyasını həyata keçirəcəklər. Ombudsmandan isə 40 nəfərin müşahidəçiliyi qeydə alınmışdır.
Bütün ölkə ərazisi üzrə müşahidə aparılmasına dair ərizələrin qəbul olunması oktyabrın 28-dək davam edəcəkdir.
Hər hansı bir seçki dairəsinin ərazisində müşahidə aparmaq istəyən şəxslər isə səsvermə gününə 5 gün qalanadək, yəni noyabrın 2-dək müvafiq seçki dairəsinin dairə seçki komissiyasına müraciət edə bilərlər.
AzərTAc{nl}