Sentyabrın 20-də ölkəmizin neft-qaz sənayesi işçilərinin peşə bayramı günündə Azərbaycan Respublikası Dövlət Neft Şirkətinin rəhbərliyi, şirkətin çoxminli kollektivinin təmsilçiləri Fəxri Xiyabanda xalqımızın ümummilli lideri Heydər Əliyevin məzarını ziyarət etmişlər.
ARDNŞ-nin prezidenti Rövnəq Abdullayev Azərbaycan neftçiləri adından ulu öndərin məzarı önünə əklil qoymuşdur.
Şirkətin nümayəndələri iqtisadiyyatımızın inkişafında, milli dövlətçiliyimizin möhkəmlənməsində müstəsna rol oynamış yeni neft strategiyasının banisi Heydər Əliyevin unudulmaz xatirəsinə bəslədikləri dərin hörmət və ehtiramın ifadəsi olaraq onun ruhu qarşısında baş əymiş, məzarı üzərinə tər çiçəklər düzmüşlər.
AzərTAc{nl}