Sentyabrın 20-də ölkəmizdə səfərdə olan Qırğızıstanın gənclər işləri üzrə naziri Aliyasbek Alımkulov Fəxri Xiyabana gələrək, xalqımızın ümummilli lideri, müasir, müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad etmiş, məzarı önünə əklil qoymuşdur.
Görkəmli oftalmoloq alim, akademik Zərifə xanım Əliyevanın da xatirəsi yad edilmiş, məzarı üzərinə gül dəstəsi düzülmüşdür.
Sonra qonaq Şəhidlər Xiyabanında Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının xatirəsini anmış, "Əbədi məşəl" abidəsinin önünə əklil qoymuşdur.
Aliyasbek Alımkulov dahi Azərbaycan müğənni və bəstəkarı Müslüm Maqomayevin məzarını da ziyarət etmişdir.{nl}

AzərTAc