İranlı həmkarının dəvəti ilə Tehranda səfərdə olan Azərbaycan Dövlət Sərhəd Xidmətinin rəisi, general-leytenant Elçin Quliyev İran mətbuatına müsahibəsində bildirmişdir ki, hər hansı sərhəd hadisəsini birtərəfli və qərəzli formada ictimaiyyətə çatdırmağa heç bir KİV orqanının haqqı yoxdur.
Azərbaycan-İran dövlət sərhədinin mühafizəsinin vəziyyəti müsbət istiqamətdə inkişaf etdir. Təəssüf ki, bəzi mətbuat orqanlarında sərhəd hadisələri şişirdilir, faktlar təhrif edilir, həqiqətdən uzaq və ədalətsiz informasiyalar yayılır. Belə hallar azad mətbuatın prinsiplərinə, jurnalist etikasına və mədəniyyətinə ziddir.

Sabir ŞAHTAXTI AzərTAc-ın xüsusi müxbiri
Tehran