Hakim vəzifəsinə namizədlərin beynəlxalq standartlar səviyyəsində, tam şəffaf şəraitdə seçilməsi prosesi davam edir.
Test imtahanlarından, habelə yazılı və şifahi imtahanlardan müvəffəqiyyətlə keçərək, 2009/2010-cu tədris ilində tədris kursunu uğurla başa vurmuş 78 hakimliyə namizədlə Hakimlərin Seçki Komitəsi (HSK) tərəfindən yekun müsahibə keçirilmişdir.
HSK-dan bildirmişlər ki, namizədlərin hakim işləmək üçün zəruri olan keyfiyyətlərə yiyələnməsini müəyyən etmək məqsədilə keçirilən müsahibələrdə beynəlxalq və yerli qeyri-hökumət təşkilatlarından olan 50-dək müşahidəçi iştirak etmişdir.
Müsahibənin nəticələri Hakimlərin Seçki Komitəsi tərəfindən qiymətləndirilmiş və bütün hakimliyə namizədlər hakim vəzifəsinə təyin olunmağa layiq bilinmişlər.{nl}

AzərTAc