Azərbaycanda Atatürk Mərkəzinin rəhbəri, Milli Məclisdə Azərbaycan-Türkiyə parlamentlərarası işçi qrupun rəhbəri Nizami Cəfərov bildirmişdir ki, Azərbaycan-Türkiyə münasibətləri "bir millət, iki dövlət" prinsipinə uyğun olaraq uğurla inkişaf edir.
"Azərbaycan Respublikası və Türkiyə Respublikası arasında Yüksək Səviyyəli Strateji Əməkdaşlıq Şurasının qurulması haqqında Birgə Bəyannamə"nin imzalanması bir daha hər iki ölkənin münasibətlərinin dostluq və qardaşlıq prinsiplərinə əsaslandığını nümayiş etdirmişdir.
N.Cəfərov demişdir ki, bu iki dövləti həm də olduqca dərin tarixi köklər bir-birinə bağlayır. Hər iki dövlət strateji müttəfiqlərdir və bu amil münasibətlərin inkişafında vacib rol oynayır.
Ulu öndər Heydər Əliyevin dediyi kimi, biz "Bir millət, iki dövlətik". Azərbaycan ilə Türkiyənin münasibətləri bu prinsip, ideya əsasında daha da genişlənir və möhkəmlənir. Eyni zamanda, bu iki dövlətin əlaqələri daha da genişlənib digər türkdilli dövlətləri əhatə etməlidir. Yəni bütün türkdilli dövlətlərin qarşılıqlı münasibətləri strateji əməkdaşlıq səviyyəsinə qalxmalıdır.
Bu gün İstanbulda keçirilən Türkdilli ölkələrin dövlət başçılarının zirvə görüşü bu baxımdan mühüm əhəmiyyətə malikdir.{nl}